Халықаралық рейтинг & QS Asia 2027
Yessenov University QS Asia University Rankings 2027 халықаралық рейтингіне енді
📅 Қараша, 2026 ж.
•
📍 Yessenov University, Ақтау қ.
QS Quacquarelli Symonds халықаралық талдау агенттігі QS Asia University Rankings 2027 Азия университеттерінің жаңа рейтингін жариялады. Рейтингке Азияның 26 елінен 1 722 университет еніп, Қазақстан өзінің Орталық Азиядағы көшбасшылық ұстанымын дәлелдеді.
Қазақстан атынан 51 жоғары оқу орны қатысып, еліміз рейтингке енген университеттер саны бойынша Азияда 10-орынға орнықты. Бұл халықаралық зерттеуде Yessenov University жоғары академиялық көрсеткіштерімен Батыс Қазақстан өңірін лайықты таныстырды.
📊 Yessenov University-дің рейтингтегі көрсеткіштері:
-
Азия бойынша: 544-орын (1 722 университет арасында);
-
Орталық Азия бойынша: 34-орын (99 университет арасында);
-
Қазақстан бойынша: 21-орын (51 университет арасында).
🌐 Бағалау индикаторлары:
QS Asia University Rankings ЖОО-ларды академиялық беделі, жұмыс берушілер арасындағы танымалдығы, ғылыми жарияланымдар нәтижелілігі, халықаралық ынтымақтастық, шетелдік оқытушылар мен студенттер үлесі және академиялық ұтқырлық секілді 11 негізгі көрсеткіш бойынша бағалайды.
