Yessenov University-де АҚШ Елшілігі өкілдерімен кездесу өтті

Yessenov University-де АҚШ-тың Қазақстандағы Елшілігінің өкілдері — жоғары білім мәселелері жөніндегі маман Ажар Кабдулинова және түлектермен жұмыс жөніндегі координатор Айнур Сембаева ханымдармен кездесу өтті.

Кездесу барысында Yessenov University мен АҚШ Елшілігі арасындағы қазіргі ынтымақтастық бағыттары талқыланып, алдағы уақытта жүзеге асыруға болатын жаңа бастамалар жөнінде пікір алмасылды.

Кездесу аясында келесі басым бағыттарға баса назар аударылды:

• Студенттер мен оқытушыларға арналған халықаралық білім беру бағдарламалары;
• Академиялық және кәсіби алмасу мүмкіндіктері;
• Түлектермен жұмыс жүйесін жетілдіру;
• Білім мен ғылым саласындағы серіктестікті кеңейту.

Осындай мазмұнды кездесулер жаңа мүмкіндіктерге жол ашып, халықаралық ынтымақтастықты нақты жобалармен толықтыруға мүмкіндік береді.🇺🇸🇰🇿