Ақтауда Yessenov University Теңіз академиясының 900 білім алушыға арналған, ауданы 4600 шаршы метр үш қабатты жаңа оқу корпусының ашылу салтанаты өтті. Ғимарат университеттің меншікті қаражаты есебінен салынды.
Болашақ капитандар, кеме жүргізушілер, инженерлер мен логистер норвег өндірісінің заманауи теңіз тренажерлерінде — «K-SIM Navigation» және «K-SIM Engine» — дайындықтан өтеді. Теңіз академиясы — 2018 жылы құрылған Yessenov University-дің құрылымдық бөлімшесі; Маңғыстау облысында 30-дан астам кеме қатынасы компаниясы жұмыс істейді, 2000-нан астам теңізші еңбек етеді.
