Халықаралық ынтымақтастық & Жастар саясаты
Yessenov University-ге ЮНИСЕФ өкілі Милена Харизанова жұмыс сапарымен келді
📅 19 қазан, 2026 ж.
•
📍 Yessenov University, Ақтау қ.
19 қазан күні БҰҰ Балалар қорының (ЮНИСЕФ) Қазақстандағы өкілінің орынбасары Милена Харизанова Yessenov University-ге арнайы жұмыс сапарымен келді.
Сапар барысында университеттің Президентінің м.а. Ермек Нұрмағанбетпен ресми кездесу өтті. Тараптар ЮНИСЕФ пен Yessenov University арасындағы серіктестікті нығайту, бірлескен жобаларды жүзеге асыру, жастардың әлеуетін арттыру және волонтерлік қозғалысты дамыту бағыттарын талқылады.
🗣️ «Жастар саясатының болашағы: диалог, серіктестік, даму»
Сонымен қатар Маңғыстау облысы әкімдігінің өкілдері, университет басшылығы мен студенттердің қатысуымен ашық диалог алаңы ұйымдастырылды. Кездесуде жастар саясатын жетілдіру, азаматтық белсенділікті арттыру және өңір жастары үшін жаңа мүмкіндіктер қалыптастыру мәселелері талқыланды.
🌟 UNICEF Zhastary бағдарламасы:
Іс-шара аясында UNICEF Zhastary бағдарламасы таныстырылып, студенттер өздерінің әлеуметтік идеялары мен ұсыныстарын ортаға салды. Қатысушылар жастардың қоғамдық бастамаларға белсенді араласуы мен волонтерлік мәдениетті дамытудың маңыздылығын атап өтті.
Халықаралық ұйымдармен әріптестікті кеңейтіп, белсенді жастар қозғалысын бірге дамытамыз! 💙🇺🇳🎓
